У полі зроку дзейнасці дэпутата Палаты прадстаўнікоў Нацыянальнага сходу Рэспублікі Беларусь Ігара Мартынава штодзень знаходзяцца дзясяткі важных пытанняў, якія датычаць сацыяльна-эканамічнага развіцця раёна, а таксама шэраг сацыяльных праблем грамадзян.
У працоўных калектывах было праведзена 76 сустрэч, арганізавана шаснаццаць прыёмаў грамадзян, на якіх прынята 45 выбаршчыкаў па розных праблемных пытаннях. Сярод іх былі такія, якія патрабуюць дэталёвага вырашэння.
У асноўным людзей хвалююць такія пытанні, як забеспячэнне якасці жыцця ў вёсцы, добраўпарадкаванне, транспартнае абслугоўванне, дарогі і экалагічныя праблемы. Шмат пытанняў паступае і адносна прыватызацыі жылля.
Акрамя таго, шэраг прапаноў, якія паступілі ад выбаршчыкаў у час сустрэч і пісьмовых зваротаў, накіраваны ў разнастайныя камісіі Палаты прадстаўнікоў Нацыянальнага сходу Рэспублікі Беларусь, дзе яны знайшлі паразуменне, падтрымку і былі ўлічаны ў час прыняцця заканадаўчых рашэнняў.
Падводзячы вынікі года, трэба адзначыць, што менавіта дзякуючы цеснаму ўзаемадзеянню з грамадзянамі, правільнай ацэнцы ўзніклых праблемных пытанняў на месцах удасца іх паэтапна вырашаць.
Святлана ВАЗНЯК.