Новы год ужо наступіў, але звязаныя з ім мерапрыемствы працягваюцца і радуюць людзей усіх узростаў. Так, напрыклад, жыхарам аддзялення кругласутачнага знаходжання для пажылых людзей «Святліца» сапраўднае свята падарылі ансамбль «Мятліца» і прадстаўнікі кандытарскай фабрыкі «Камунарка».
З Новым годам і Раством Хрыстовым бабуль і дзядуль павіншавала начальнік упраўлення па працы, занятасцi i сацыяльнай абароне райвыканкама Марына Іназемцава.
- Дзякуючы клопату прадстаўнікоў мясцовай улады вам прадастаўлены гэты камфортны, добраўпарадкаваны дом для пражывання, і я жадаю вам, каб ён быў напоўнены хатнім цяплом і ўтульнасцю, - адзначыла Марына Аляксандраўна. - Разам вы пераадолее ўсе цяжкасці, верце ў гэта. Хай ніякія смуткi не закрануць ні вас, ні вашых блізкіх. Хай у новым годзе ў вас будуць толькі прыемныя падзеі і добрыя навіны, а вакол вас - людзі, якія адносяцца да вас па-добраму, з клопатам і ласкай. Усяго вам найлепшага ў новым годзе!
Кандытарская фабрыка «Камунарка» ужо не першы год супрацоўнічае са «Святліцай». Прыязджаць у аграгарадок Камень з падарункамі стала добрай традыцыяй. У гэтым годзе прадстаўнікі фабрыкі парадавалі пажылых людзей не толькі смачнымі пачастункамі, але і сапраўдным касцюміраваным прадстаўленнем з Дзедам Марозам і Снягуркай. У іх ролі выдатна ўжыліся вядучы інжынер-энергетык Станіслаў Скібіцкі і спецыяліст аддзела маркетынгу і рэкламы Ірына Марчук. Яны трохі забаўлялі жыхароў «Святліцы» інтэрактывам, станчылі з імі карагод, выказалі найлепшыя пажаданні і, вядома ж, пачаставалі ўсіх конфетами.- Дазвольце ад асобы нашага кіраўніцтва, генеральнага дырэктара Івана Данчанкі і вялікага дружнага калектыву у паўтары тысячы работнікаў ад усёй душы павіншаваць вас з 2020 годам, - звярнулася да жыхароў «Святліцы» начальнік сектара па выставачнай дзейнасці СААТ «Камунарка» Алена Фёдарава. - Здароўя вам, выканання жаданняў, росквіту нашай краіне, а таксама ўсяго светлага, вясёлага і найлепшага ад фабрыкі «Камунарка».
Загадчыца аддзялення кругласутачнага знаходжання «Святліца» Алена Чувiлiна таксама выказала словы падзякі генеральнаму консулу Рэспублікі Беларусь у Мюнхене Андрэю Кулажанка:
- Менавіта Андрэй Рыгоравіч быў ініцыятарам такога супрацоўніцтва, прыцягнуў ўвагу да «Святліцы». Да Новага года ён па традыцыі перадаў нашым жыхарам скрыню мандарынаў, нягледзячы на тое, што цяпер знаходзіцца ў Мюнхене.
Алена Марціновіч.