Усе жывапісныя творы аб'ядноўвае любоў да краіны, успаміны аб малой радзіме, жаданне паказаць прыроду роднага краю ва ўсёй красе, у яе каляровых праявах і багацці. Хоць Уладзімір Пракапцоў працуе і творыць у Мінску, ён непарыўна звязаны з Віцебскай вобласцю і мае асаблівае стаўленне да рэгіёну, у тым ліку да Лепельскага раёна, дзе пасля заканчэння ВНУ працаваў другім сакратаром райкама камсамола. У 2012 годзе ён стаў ганаровым грамадзянінам гэтага раёна.