Галоўная / Навіны / Навіны рэгіёна

Тэме нацюрморта прысвечаны міжнародны творчы праект у Віцебску

17.09.2020

Міжнародны творчы праект "Трэцяя плынь" адкрываецца сёння ў Віцебску, паведамілі карэспандэнту БЕЛТА ў Арт-цэнтры Марка Шагала.

Праект праводзіцца па ініцыятыве віцебскага мастака Леаніда Мядзведскага. Сваю назву ён атрымаў у гонар напрамку ў музыцы, які спалучае класіку і джаз, традыцыі і імправізацыю. Мэта выстаў праекта - вывучыць бягучы стан жанраў як сістэмы.

Першая выстава ў рамках праекта прайшла ў 2017 годзе, яна была прысвечана партрэтнаму жывапісу. Наступная (у 2018 годзе) - пейзажу. У 2020 годзе праект прапануе вывучыць такі традыцыйны жанр, як нацюрморт. Тэмай была выбрана культавая серыя карцін Жоржа Брака "Майстэрня", якая спалучае інтэр'ер, нацюрморт і філасофскую сюжэтна-тэматычную кампазіцыю.

"Вядома, гэта тэма не абмяжоўвае ўдзельнікаў выставы ні па сюжэце, ні па стылістыцы работ. Гэта хутчэй нагода для натхнення і "гістарычны фон", напамін аб адным з этапаў развіцця жанраў у выяўленчым мастацтве. Паколькі майстэрня мастака - гэта месца, дзе пераважаюць творчае мысленне і свабодны дух. Кожны ўдзельнік выставы пры падрыхтоўцы работ мог як прадоўжыць пошук свайго вобраза творчасці, так і звярнуцца да традыцыйнага жанру і прадставіць нацюрморт", - адзначылі ў цэнтры.

Свае работы ў праекце (у залежнасці ад памеру - ад адной да трох) прадставілі больш за 30 мастакоў з Віцебска, Мінска, Баранавіч, Полацка і Оршы. Віртуальна ўдзельнічаюць каля дзесяці мастакоў з Расіі, Ізраіля і Латвіі. Сёння на адкрыцці выставы іх карціны будуць паказаны ў час спецыяльна падрыхтаванай відэапрэзентацыі. Па выніках выставы арганізатары плануюць выдаць буклет.

Азнаёміцца з выставай можна да 11 кастрычніка.


2024 - год якасцi Праект “Адкрыты кінаархіў. Гэты дзень мы набліжалі як маглі» Увекавечанне памяці абаронцаў Айчыны і ахвяр вайны Ліцэнзаванне адукацыйнай дзейнасці Працаўладкаванне моладзі ў вольны ад вучобы час Анлайн-перамовы Лічбавая бяспека ў Інтэрнеце Прадпрымальнік года Віцебскі аблвыканкам Інвестыцыйная пляцоўка Витебские вести Рэдакцыя раённай газеты "Лепельскі край" Камісія па каардынацыі работы па садзейнічанні занятасці насельніцтва Лепельскага раёна ДУА "Інстытут пагранічнай службы Рэспублікі Беларусь" Прафілактыка хатняга гвалту Біяметрычныя дакументы Рэспублікі Беларусь Федэрацыя прафсаюзаў Беларусі Віцебскае абласное ўпраўленне Дзяржпрамнагляду Сацыяльная рэклама Свабодная эканамічная зона "Віцебск"
Адзіны дзяржаўны рэгістр
Міністэрства па падатках і зборах Рэспублікі Беларусь
Адзіны партал электронных паслуг