Рознічны тавараабарот у студзені-кастрычніку 2020 года склаў Br43,5 млрд, або 102,3 працэнта ў супастаўных цэнах да паказчыка аналагічнага перыяду 2019 года, паведамілі БЕЛТА ў Нацыянальным статыстычным камітэце.

Аптовы тавараабарот склаўся на ўзроўні Br79,3 млрд, або ў супастаўных цэнах 93,2 працэнта да паказчыка студзеня - кастрычніка мінулага года.

Аднадзённы рознічны тавараабарот у разліку на душу насельніцтва з пачатку года склаў Br15,1 супраць Br14,2 за аналагічны перыяд 2019-га.

Рознічны тавараабарот арганізацый гандлю, на які прыпадала 91,7 працэнта рознічнага тавараабароту краіны, у студзені - кастрычніку склаў Br39,8 млрд, або 103,9 працэнта ў супастаўных цэнах да адпаведнага перыяду папярэдняга года.

Тавараабарот грамадскага харчавання ў студзені - кастрычніку склаў Br2 млрд, або 81,3 працэнта ў супастаўных цэнах да ўзроўню аналагічнага перыяду 2019 года.