Главная / Новости / Новости района

Доступна работа и занятость для людей с инвалидностью

19.06.2017

Нядаўна ў Віцебску прайшоў міжнародны інтэграцыйны форум “Даступная праца і занятасць для людзей з інваліднасцю”. На мерапрыемстве пабывала і наша дэлегацыя з тэрытарыяльнага Цэнтра сацыяльнага абслугоўвання насельніцтва на чале з дырэктарам Наталляй Івановай.Мерапрыемства прайшло ў Палацы спорту ў межах V Тыдня даступнасці, ініцыятарам правядзення якога з’яўляецца “Офіс па правах людзей з інваліднасцю”.

Арганізатар форуму— Цэнтр “Вузел” БГА “Свет без граніц”, камітэт па працы, занятасці і сацыяльнай абароне насельніцтва аблвыканкама, а таксама адукацыйна-праваабарончая ўстанова “Офіс па правах людзей з інваліднасцю”.

Было недзе каля дзвюх з паловай соцень чалавек: бізнэсоўцы, эксперты з дзяржаўных структур, а таксама непасрэдна інваліды. Прысутнічалі дэлегацыі з Расійскай Федэрацыі, Казахстана, Малдовы і іншых краін. Быў начальнік Камітэта па працы, занятасці і сацыяльнай абароне насельніцтва аблвыканкама.

Прайшло пленарнае пасяджэнне, адбыліся секцыі на розныя тэмы: “Меры дзяржаўнай падтрымкі і арганізацыя самазанятасці для інвалідаў”, “Сацыяльны бізнэс — шляхі ўстойлівага развіцця і магчымасці для ўсіх” і інш. Паказалі свае прэзентацыі пляцоўкі па пошуку працы, прафесійным навучанні і падрыхтоўцы, а таксама прафарыентацыі людзей з абмежаванымі фізічнымі магчымасцямі. У холе была арганізавана выстава-продаж прадукцыі з розных раёнаў вобласці, вырабленай інвалідамі. Праводзіліся майстар-класы творчага майстэрства.— Паказвалі лепяльчане нешта сваё?

— Вядома. Наша брэндавая прадукцыя пад назваю “Льняная казка”, тапінарыі — дрэва з кавы, дрэва шчасця, вырабы з фаамірану — кветкавыя кампазіцыі і г.д.

— Куплялі?

— Куплялі і нашу прадукцыю, і мы таксама сёе-тое набылі. Я, напрыклад, купіла пано вырабу аддзялення дзённага знаходжання для інвалідаў Міёрскага тэрытарыяльнага цэнтра, дзве драўляныя лыжкі вытворчасці Багушэўскага камбіната, сухарніцу, якую выразалі лобзікам майстры з Верхнядзвінска.

Гутарыў
Уладзімір МІХНО.
На здымках: прадукцыя лепяльчан і набытыя імі вырабы.
Фота аўтара.


Выборы 2020 75 лет победы Профилактика COVID-19 Славянский базар в Витебске Мисс Беларусь-2020 Год малой родины Витебский облисполком Инвестиционная площадка Витебские вести  Редакция районной газеты "Лепельскі край" Комиссия по координации работы по содействию занятости населения Лепельского района Указ 357 ГУО "Институт пограничной службы Республики Беларусь" Профилактика домашнего насилия Федерация профсоюзов Беларуси Витебское областное управление Госпромнадзора Детский правовой сайт
Единый государственный регистр
Министерство по налогам и сборам Республики Беларусь
Единый портал электронных услуг
Национальный правовой Интернет-портал Республики Беларусь
Символика Реcпублики Беларусь
Сайт Президента Республики Беларусь