Главная / Новости / Новости района

Молодое пополнение приняло военную присягу

26.06.2017

У вайсковай часці ў Бароўцы адбылося свята – маладое папаўненне прыняла ваенную прысягу. У гэтага свята, як і ва шмат якога іншага выдзеліў бы некалькі момантаў.

Момант першы – чаканне.

Чаканне, як вядома, адна з самых стамляльных спраў. Першы месяц службы ў чаканні прысягі праляцеў для салдатаў вельмі хутка, і агледзецца не паспелі. Дні былі напоўненыя практыкаваннямі, заняткамі па страявой падрыхтоўцы, вывучэннем вайсковых статутаў, азнаямленнем з баявой тэхнікай.

А з самай раніцы салдаты былі ў чаканні прыняцця прысягі і сустрэчы з роднымі і блізкімі. У роўных шарэнгах на плацы яны пільна ўглядаліся ў процілеглы бок, стараліся заўважыць у натоўпе гасцей сваіх матуль, татаў, братоў, сясцёр, сяброў, каханых.

І для процілеглага боку чаканне таксама было цяжкай ношай. Многія прыехалі здалёку, загадзя прыпаркавалі машыны ля кантрольна-прапускнога пункта. Іх шэрагі на ўзбочынах чымсьці нагадвалі шарэнгі салдатаў.

Вось да ўрачыстасці засталюцца лічаныя хвіліны – самыя цяжкія ў чаканні

Момант другі – прысяга.

Хаця працэдура прыняцця маладым папаўненнем ваеннай прысягі ў войсках адладжана гадамі, за ўсе часы яна так і не стала прывычнай справай. Хвалююцца ўсе ад бывалага сержанта і прапаршчыка да камандзіра часці. Што ўжо казаць пра хваляванне салдатаў-навабранцаў. Завалася б, трэніраваліся некалькі дзён, ледзьве не напамяць вывучылі тэкст прысягі. Аднак перажыванні, адчуванне вялікай адказнасці чыталася на тварах. Адзін за адным падыходзілі салдаты да сталоў і чыталі радкі ўрачыстай клятвы: "Я, грамадзянін Рэспублікі Беларусь…". У хуткім часе ўсе 86 салдатаў папаўнення выканалі ўрачысты вайсковы рытуал.

З трыбуны іх павіншавалі памочнік Міністра абароны – начальнік галоўнага ўпраўлення па ідэалагічнай рабоце генерал-маёр Аляксандр Гура, намеснік старшыні райвыканкама Аляксандр Шыдлоўскі, прадстаўнікі грамадскасці.

Момант трэці – самы шчымлівы.

На погляд аўтара, самымі шчымлівымі, самымі хвалюючымі з'яўляюцца хвіліны, калі ўрачыстая частка завершана і блізкім і родным прапануецца павіншаваць салдатаў. Такіх эмоцый, гонару за сябе, свой новы статус абаронца Айчыны не сустрэць больш нідзе. З боку ж гасцей у першую хвіліну эмоцыі зашкальвалі, асабліва ў жанчын. У такой сітуацыі нават некаторыя таты, у звычайным жыцці даволі суровыя і стрыманыя, маглі пусціць слязу з гонару за сына.

Не абыйшлося і без сэлфі. Сябры, мамы, браты і сёстры фатаграфаваліся побач з салдатамі і тут жа выкладалі фота ў сацыяльныя сеткі.

Пытанні і рэплікі ліліся ракой. За гэтыя дзесяць хвілін адбыўся абмен влізарным аб'ёмам інфармацыі. Таты і мамы пераканаліся, што сынам служыцца нармальна, камфортна, што камандзіры праяўляюць сапраўдны клопат. Браты і сёстры, сябры памацалі рукамі сапраўдныя аўтаматы, сфатаграфаваліся з салдатамі. Каханыя абняліся і яшчэ раз пераканаліся ў моцы і глыбіні пачуццяў.

Апошні момант – знаёмства з землякамі.

Пасля праходжання ўрачыстым маршам салдаты накіроўваюцца ў казармы, дзе здаюць зброю, атрымліваюць дакументы і могуць ісці ў кароткачасовыя звальненні. У гэты час бацькоў камандаванне брыгады запрашае ў глядзельную залу клуба часці на кроткі расповяд пра 231-ую артылерыйскую брыгаду, яе традыцыі, умовы службы. А ў гэты час усе жадаючыя госці, а гэта ў пераважнай большасці дзеці, моладзь, мелі магчымасць пакаштаваць салдацкай кашы, прыгатаванай на палявой кухні, запіць яе салодкім чаем, і агеледзець баявую тэхніку, якая знаходзіцца на ўзбраенні.

З асаблівай цікавасцю назіраў, з якім інтарэсам аглядалі гарматы, цягачы, пускавыя ўстаноўкі дзяўчыны – яны, здавалася б, павінны быць вельмі далёкія ад спраў вайсковых і тэхнічных.

Улучыўшы момант, выклікаў на гутарку хлопцаў, прызваных з Лепельшчыны. Сфатаграфаваў іх. Знаёмцеся: сядзяць Аляксей Палееў з Заслонава і Арцём Фомічаў з Бароўкі. Аляксей да прызыву паспеў адвучыцца ў дзяржпрафліцэі, атрымаць пасведчанне трактарыста-машыніста. А потым па накіраванні ваенкамата вучыўся ў аўташколе на вадзіцеля аўтамашын.

Арцём атрымаў квліфікацыю маркшэйдара – спецыяліста, які працуе пры разведцы радовішчаў карысных выкапняў, на будоўлі падземных камунікацый, займаецца геадэзічнымі вымярэннямі і разметкай, ад якіх залежыць дакладнасць і якасць працы праходчыкаў, будаўнікоў. Хлопец папрацаваў на будаўніцтве мінскага метро.

Арцём Курбака (крайні злева) –- жыхар вёскі Чарэйшчына, працаваў у мясцовым сельгаспрадпрыемстве – ААТ "Чарэйшчына". Кажа, што на час службы працоўнае месца захавалася за ім.

У сярэдзіне стаіць Аляксандр Крывец, якога прызвалі з Бароўкі. Да службы ён вучыўся ў Беларускім дзяржаўным універсітэце інфарматыкі і радыёэлектронікі. Крайні справа – лепяльчанін Сяргей Налетка, дарэчы, калега Аляксея Палеева па месцы вучобы – Лепельскі дзяржпрафліцэй, таксама вадзіцель.

Хлопцы пакуль што не ведаюць, у якія падраздзяленні, на якія спецыяльнасці і пасады будуць размеркваныя. Між тым, афіцэры, кіраўнікі збораў маладога папаўнення ўжо праводзілі тэсціраванне, так што ў бліжэйшы час усё стане на свае месцы.

Вось зброя здадзена, дакументы на руках, сем'і і блізкія – у чаканні, салдаты ідуць у бок КПП.

Васіль МАТЫРКА.
Фота аўтара.


Выборы 2020 75 лет победы Профилактика COVID-19 Славянский базар в Витебске Мисс Беларусь-2020 Год малой родины Витебский облисполком Инвестиционная площадка Витебские вести  Редакция районной газеты "Лепельскі край" Комиссия по координации работы по содействию занятости населения Лепельского района Указ 357 ГУО "Институт пограничной службы Республики Беларусь" Профилактика домашнего насилия Федерация профсоюзов Беларуси Витебское областное управление Госпромнадзора Детский правовой сайт
Единый государственный регистр
Министерство по налогам и сборам Республики Беларусь
Единый портал электронных услуг
Национальный правовой Интернет-портал Республики Беларусь
Символика Реcпублики Беларусь
Сайт Президента Республики Беларусь