28 чэрвеня - Дзень вызвалення Лепеля ад нямецка-фашысцкіх захопнікаў
Паважаныя жыхары Лепельскага раёна, ветэраны Вялікай Айчыннай вайны і працы!
Прыміце шчырыя віншаванні з Днём вызвалення Лепельскага краю ад нямецка-фашысцкіх захопнікаў.
Усё далей і далей адыходзіць ад нас той вялікі дзень, калі вораг быў выгнаны з нашай роднай зямлі. Самымі кровапралітнымі і гераічнымі ў гісторыі раёна сталі гады Вялікай Айчыннай вайны. Сотні слаўных сыноў і дачок склалі галовы на палях бітваў, загінулі ў лагерах, у фашысцкай няволі, ад голаду і хвароб. Але праяўленыя імі гераізм і стойкасць былі па вартасці ацэнены Радзімай.
Роўным баявому быў і подзвіг пасляваеннага аднаўлення народнай гаспадаркі. За пасляваенныя дзесяцігоддзі Лепельскі раён ператварыўся ў выдатны раённы цэнтр. І гэта стала магчымым дзякуючы працы нашых ветэранаў.
Агульнымі намаганнямі працаўнікоў ўсіх галін народнагаспадарчага комплексу забяспечваецца паступальнае развіццё эканомікі, сацыяльнай сферы. Гэта яшчэ раз даказвае, што наша сіла ў адзінстве і ў адданасці сваёй малой радзіме.
Дарагія сябры!
Жадаем усім жыхарам і гасцям раёна моцнага здароўя, дабрабыту, аптымізму і радасці. Хай гэты дзень - 28 чэрвеня - заўсёды будзе святам гонару за Лепельшчыну і нашых землякоў!
Раённы выканаўчы камітэт
Раённы Савет дэпутатаў