Жніво – 2015: дзень за днём
Сярэдзіна жніўня для Лепельшчыны адзначылася выдатнай падзеяй – вызначыліся першыя маладзежныя экіпажы камбайнаў, якія намалацілі 800 тон збожжа. Як заўсёды, віншаванне перадавікоў было арганізавана на тых жа самых палях, дзе яны і дабіваліся поспеху.
Спачатку выехалі ў бок ААТ “Чарэйшчына”, там на полі за маладзежны экіпаж у складзе старшага камбайнера Аляксандра Кузьмічонка і камбайнера Мікалая Усовіка першым у раёне намалаціў 800 тон сярод маладых камбайнераў.
Перадавікам былі ўручаны дыпломы, грашовыя прэміі, падарункі. А артысты з аддзела культуры прыўзнялі настрой выдатнымі песнямі.
Зрабілі агульнае фота на памяць – і усё. Час прыспешвае, поле кліча, бо цяпер важная кожная гадзіна.
Далейшы шлях ляжаў у іншы бок раёна – на поле за вёскай Ізабеліна, на землі СВФ “Заазер’е”. Там аналагічных працоўных поспехаў дасягнулі экіпаж у складзе Сяргея Касцюковіча і Вадзіма Загорскага. Акрамя гэтага, яшчэ адзін малады вадзіцель гаспадаркі Аляксей Шпак перавёз тысячу тон збожжа.