У Лепельскім райвыканкаме адбылося выязное пасяджэнне калегіі Камітэта дзяржаўнага кантролю Віцебскай вобласці з удзелам начальніка галоўнага ўпраўлення жыллёва-камунальнай гаспадаркі Віцебскага аблвыканкама Юрыя Дзядзёла.

Пад час сустрэчы былі разгледжаны вынікі праверкі ў дачыненні да мясцовага прадпрыемства жыллёва-камунальнай гаспадаркі - КУВП «Бароўка».

У ходзе пасяджэння былі дэталёва разгледжаны выяўленыя парушэнні бюджэтнага і працоўнага заканадаўства, заканадаўства аб закупках, пры распараджэнні дзяржмаёмасцю, аб зваротах грамадзян юрыдычных асоб.

Па выніках пасяджэння калегіі выпрацаваны канкрэтныя прапановы, накіраваныя на недапушчэнне парушэнняў заканадаўства з боку арганізацыі ЖКГ і ўзмацненне ролі райвыканкама па арганізацыі эфектыўнай працы прадпрыемства.

http://www.lepel-kraj.by/organizacii-zhkx-na-osobom-kontrole/

Яна Міснік.