Галоўная / Навіны / Навіны рэспублікі

Беларусь і Іран рыхтуюцца да пасяджэння камісіі па супрацоўніцтве ў сферах адукацыі, навукі і тэхналогій

03.02.2023

Надзвычайны і Паўнамоцны Пасол Рэспублікі Беларусь у Ісламскай Рэспубліцы Іран Дзмітрый Кальцоў сустрэўся з першым намеснікам міністра навукі, даследаванняў і тэхналогій Ірана Вахідам Хададам Аслам. Аб гэтым карэспандэнту БЕЛТА расказалі ў беларускай загранустанове ў Тэгеране.

Бакі абмеркавалі актуальныя пытанні двухбаковага ўзаемадзеяння ў навукова-тэхналагічнай сферы. Акрамя таго, размова ішла аб рэалізацыі дамоўленасцей, дасягнутых у гэтай галіне.

Асаблівая ўвага на перагаворах была ўдзелена ўзгадненню тэрмінаў правядзення восьмага пасяджэння сумеснай беларуска-іранскай камісіі па супрацоўніцтве ў галіне вышэйшай адукацыі, навукі і тэхналогій.

Рэспубліка Беларусь i Ісламская Рэспубліка Іран устанавілі дыпламатычныя адносіны 18 сакавіка 1993 года. Беларускае пасольства ў Тэгеране было адкрыта 8 сакавіка 1998 года, а пасольства Ірана працуе ў Мінску з лютага 2001 года. Краіны падтрымліваюць высокі ўзровень палітычных кантактаў.

Беларусь і Іран цесна супрацоўнічаюць на міжнародных пляцоўках, аказваючы ўзаемную падтрымку ў міжнародных арганізацыях. Дагаворна-прававая база двухбаковага супрацоўніцтва ахоплівае больш за 30 міждзяржаўных і міжведамасных дакументаў.

БелТА


2024 - год якасцi Праект “Адкрыты кінаархіў. Гэты дзень мы набліжалі як маглі» Увекавечанне памяці абаронцаў Айчыны і ахвяр вайны Ліцэнзаванне адукацыйнай дзейнасці Працаўладкаванне моладзі ў вольны ад вучобы час Анлайн-перамовы Лічбавая бяспека ў Інтэрнеце Прадпрымальнік года Віцебскі аблвыканкам Інвестыцыйная пляцоўка Витебские вести Рэдакцыя раённай газеты "Лепельскі край" Камісія па каардынацыі работы па садзейнічанні занятасці насельніцтва Лепельскага раёна ДУА "Інстытут пагранічнай службы Рэспублікі Беларусь" Прафілактыка хатняга гвалту Біяметрычныя дакументы Рэспублікі Беларусь Федэрацыя прафсаюзаў Беларусі Віцебскае абласное ўпраўленне Дзяржпрамнагляду Сацыяльная рэклама Свабодная эканамічная зона "Віцебск"
Адзіны дзяржаўны рэгістр
Міністэрства па падатках і зборах Рэспублікі Беларусь
Адзіны партал электронных паслуг