Удакладнены парадак і тэрміны ўзгаднення пералікаў тавараў

Пастановай Міністэрства антыманапольнага рэгулявання і гандлю Рэспублікі Беларусь ад 4 лістапада 2022 г. № 72 «Аб змене пастановы Міністэрства антыманапольнага рэгулявання і гандлю Рэспублікі Беларусь ад 19 лістапада 2020 г. № 74» удакладнены парадак распрацоўкі пераліку тавараў, абавязковых да наяўнасці для рэалізацыі ў гандлёвым аб'екце, і вызначаны тэрміны прадстаўлення зацверджаных суб'ектамі гандлю пералікаў тавараў на ўзгадненне з мясцовымі выканаўчымі і распарадчымі органамі.

Згодна з пастановай суб'екты гандлю прадастаўляюць зацверджаныя пералікі тавараў, абавязковыя да наяўнасці для рэалізацыі ў гандлёвых аб'ектах, на ўзгадненне ў раённыя, гарадскія выканаўчыя камітэты (акрамя г. Мінска), адміністрацыі раёнаў г. Мінска, дзяржаўная ўстанова «Адміністрацыя Кітайска-Беларускага індустрыяльнага парка «Вялікі камень»:

• для крам з гандлёвай плошчай ад 1000 кв.м і больш - да 17 лістапада 2022 г.;
• для крам з гандлёвай плошчай ад 300 да 999 кв.м - да 2 снежня 2022 г.;
• для крам з гандлёвай плошчай ад 100 да 299 кв.м - да 22 снежня 2022 г.;
• для крам з гандлёвай плошчай да 99 кв.м, кіёскаў, павільёнаў і аўтамагазінаў - да 1 студзеня 2023 года.
 

Да спіса навін