Кіраўніцтва Лепельскага раёна накіравала віншаванне хрысціянам, якія святкуюць Раство Хрыстова па юліянскім календары
Паважаныя святары, вернікі Беларускай праваслаўнай царквы і іншых хрысціянскіх цэркваў, якія святкуюць Раство Хрыстова па юліянскім календары!
Сардэчна віншуем усіх са светлым хрысціянскім святам - Раством Хрыстовым!
Гэта свята прыносіць надзею і ўмацоўвае веру ў лепшую будучыню. Яно сімвалізуе трыумф сапраўднай духоўнасці і чалавекалюбства, услаўляе высакародныя ідэалы гуманізму і міласэрнасці.
Для многіх людзей Раство Хрыстова дапамагае далучацца да вечных каштоўнасцяў. Яно цудоўным чынам аб'ядноўвае родных і блізкіх у добрых справах выхавання маладога пакалення. Кожны чалавек менавіта ў сям'і спазнае шчаслівае і незабыўнае адчуванне цяпла і клопату, менавіта сям'я вучыць працаваць, тварыць і з упэўненасцю глядзець у будучыню.
Няхай калядныя дні падораць вам святло высокай духоўнасці, прынясуць добры настрой і цудоўныя ўспаміны. Няхай сэрцы напаўняюцца жыццёвай сілай. Няхай дастатак і дабрабыт, давер і разуменне паселяцца ў кожным доме.
Жадаем усім моцнага здароўя, аптымізму і поспехаў ва ўсіх пачынаннях.
Раённы выканаўчы камітэт.
Раённы Савет дэпутатаў.