Кіраўніцтва Лепельскага раёна накіравала віншаванне жыхарам Лепельшчыны з Новым годам!
Дарагія землякі!
Прыміце самыя шчырыя і сардэчныя віншаванні з надыходзячым Новым годам!
Гэтыя выдатныя дні дораць нам цяпло і святло, надзею і аптымізм, дадаюць сіл, цярпення і мудрасці, аб'ядноўваюць родных, калег і сяброў. Усё гэта дазваляе імкнуцца да новых дасягненняў і поспехаў.
Адыходзячы год для ўсіх нас быў насычаным падзеямі, здзяйсненнямі і выклікамі. Але, нягледзячы на усе цяжкасці, мы годна яго завяршылі. Нам удалося забяспечыць бесперабойную працу нашых прадпрыемстваў і захаваць станоўчую дынаміку развіцця галін народнай гаспадаркі. Мы вырошчвалі хлеб, будавалі жыллё, добраўпарадкоўвалі населеныя пункты, захавалі мір і стабільнасць на нашай зямлі.
Шчыра дзякуем усім працаўнікам Лепельшчыны за працавітасць і актыўны ўдзел у жыцці рэгіёна. Вялікі дзякуй за самааддачу і праўдзівы патрыятызм!
Так, мы з вамі шмат чаго дасягнулі, але яшчэ больш нам трэба будзе зрабіць. Наперадзе - Новы год, а значыць, новыя задачы і разам з імі - новыя поспехі. Не сумняваемся, што Лепельскі раён захавае курс на сацыяльную стабільнасць і рост дабрабыту людзей. Дарагія сябры! Няхай будучы Год якасці будзе якасным ва ўсім: у працы, у ажыццяўленні намечаных планаў, у асабістым жыцці. Няхай ён стане выдатнай магчымасцю прадоўжыць свае паспяховыя пачынанні і выдатным шанцам для тых, хто вырашыў пачаць усё спачатку.
Дарагія сябры! Сустракаючы Новы год, мы верым у цуд гэтай чароўнай ночы, спадзяемся, што наступныя 12 месяцаў будуць яшчэ больш паспяховымі.
Беражыце адзін аднаго! Няхай шчасце, мір, здароўе, любоў і дастатак напаўняюць вашы дома! Няхай кожны дзень новага года дорыць вам пачуццё гонару - за сябе, за сваіх блізкіх, за нашу Лепельшчыну і Рэспубліку Беларусь!
Са святам вас! З Новым 2024-м годам!
Міхаіл Кісялевіч, старшыня райвыканкама.
Ігар Урбан, старшыня раённага Савета дэпутатаў.