Навучальны семінар у Лепелі: грамадская бяспека і дысцыпліна
У
філіяле «Лепельскі МКК» ААТ «Віцебскі мясакамбінат» для яго супрацоўнікаў
прайшоў навучальны семінар на тэму: «Патрабаванне і прымяненне палажэнняў Дырэктывы
Прэзідэнта Рэспублікі Беларусь ад 11 сакавіка 2004 года №1 аб мерах па ўмацаванню
грамадскай бяспекі і дысцыпліны».
Галоўным спікерам стаў начальнік аддзела па Віцебскай вобласці Цэнтра аховы працы
і прамысловай бяспекі РІВШ Сяргей Чарнабабін.
У сваім выступленні Сяргей Мікалаевіч адзначыў, што Дырэктыва Прэзідэнта
Рэспублікі Беларусь №1 накіравана на ўмацаванне грамадскай бяспекі і
дысцыпліны, з'яўляецца адным з найважнейшых нарматыўных прававых актаў. Ключавое
патрабаванне дакумента накіравана на прадухіленне гібелі людзей, атрымання траўм
і калецтваў падчас вытворчасці.
- План, якасць і тэрміны — тры галоўных
складніка, на якія вы заўсёды звяртаеце ўвагу на вытворчасці. Але ёсць
яшчэ важны момант у вашай працы - каб супрацоўнікі працавалі ў бяспечных і
камфортных умовах, а ў канцы змены пакінулі тэрыторыю прадпрыемства здаровымі,
-- адзначыў выступоўца.
Падчас дыялогу была акцэнтавана ўвага, што з 2015 года дзейнічае новая
рэдакцыя Дырэктывы Прэзідэнта Рэспублікі, дзе шэраг абавязкаў працаўнікоў і
наймальнікаў канкрэтызаваны і сфармуляваны па-новаму. Так, за з'яўленне на
працы ў стане алкагольнага, наркатычнага або таксічнага ап'янення, а
таксама распіццё спіртных напояў, ужыванне наркатычных сродкаў,
псіхатропных рэчываў, іх аналагаў, таксічных рэчываў у працоўны час або па
месцы працы прадугледжана прыцягненне работнікаў да дысцыплінарнай
адказнасці аж да звальнення.
Наймальнік павінен прымяніць адну з чатырох магчымых мер дысцыплінарнага
спагнанні: заўвага, вымова, пазбаўленне поўнасцю або часткова дадатковых
выплат стымулюючага характару на тэрмін да 12 месяцаў і звальненне.
Падчас семінара былі разгледжаны пытанні для фарміравання правапаслухмяных
паводзін, здаровага ладу жыцця, навыкаў па забеспячэнні асабістай і
маёмаснай бяспекі работнікаў. Таксама на мерапрыемстве абмеркавалі такія тэмы, як роля галіновага прафсаюза ў
вырашэнні праблем, звязаных з аховай працы, прафілактыка і зніжэнне ўзроўню
вытворчага траўматызму, бяспека дарожнага руху і эксплуатацыі
транспарту, парадак правядзення медыцынскіх аглядаў работнікаў, грамадскі
кантроль за выкананнем заканадаўства аб ахове працы і многія іншыя.
Па заканчэнні семінара ўдзельнікі задалі цікавячыя iх пытанні і атрымалі
падрабязныя адказы.
Семінар дазволіў удзельнікам павысіць свой вопыт і веды ў гэтай галіне,
перагледзець некаторыя падыходы да вырашэння праблем на месцах і пазначыць
найбольш важныя пытанні ў галіне аховы працы.