Падведзены вынікі работы Віцебскай абласной арганізацыі АСВОД за 2023 год
У абласным упраўленні МНС прайшло падвядзенне вынікаў работы Віцебскай абласной грамадскай арганізацыі АСВОД, а таксама вызначаны прыярытэтныя напрамкі ў рабоце на будучы год. У падвядзенні вынікаў удзельнічаў начальнік Віцебскага абласнога ўпраўлення МНС Сяргей Мялешкін, старшыня Рэспубліканскага дзяржаўна-грамадскага аб'яднання «Беларускае рэспубліканскае таварыства ратавання на водах» Андрэй Чарняўскі, старшыня Віцебскай абласной арганізацыі АСВОД Аляксандр Мясаедаў, начальнік абласной структуры ДІМС Аляксандр Ярмош, а таксама начальнікі выратавальных станцый рэгіёнаў Віцебшчыны.
Андрэй Чарняўсiй падвёў вынікі работы ў частцы арганізацыі і правядзення прафілактычнай работы па папярэджанні гібелі людзей на водных аб'ектах вобласці, а таксама закрануў пытанні арганізацыі дзяжурстваў на выратавальных станцыях і пастах, забеспячэння іх выратавальнымі сродкамі і камплектаванне.
Начальнік абласнога ўпраўлення МНС Сяргей Мялешкін пазначыў асноўныя недахопы ў арганізацыі дзейнасці падраздзяленняў АСВОД, а таксама агучыў дзяржаўна значныя задачы, якія стаяць перад АСВОД і МНС у сферы папярэджання гібелі людзей на вадзе. Па выніках працы ў 2023 годзе ён узнагародзіў асобных работнікаў АСВОД за высокія вынікі ў пытаннях папярэджання гібелі людзей на вадзе.
У рамках пасяджэнні былі разгледжаны пытанні ўзаемадзеяння АСВОД з падраздзяленнямі МНС вобласці ў частцы ажыццяўлення прафілактычнай работы, метадычнай дапамогі ў правядзенні рэйдавых мерапрыемстваў, а таксама ўзаемадзеяння з органамі ўлады на месцах.
Старшыня Віцебскай абласной арганізацыі АСВОД Аляксандр Мясаедаў даў ацэнку працы кожнага старшыні, даручыў узмацніць прафілактычную работу з насельніцтвам, працоўнымі калектывамі і ўстановамі адукацыі.