«Правільны, усвядомлены выбар кожнага грамадзяніна вызначыць далейшае ўстойлівае развіццё суверэннай Беларусі», - падкрэсліў Міхаіл Кісялевіч на сустрэчы з калектывам Лепельскага каледжа
Сёння з навучэнцамі і педагогамі Лепельскага дзяржаўнага аграрна-тэхнічнага каледжа сустрэліся кіраўнік раёна Міхаіл Кісялевіч, а таксама начальнік аддзела ідэалагічнай работы і па справах моладзі райвыканкама Святлана Шавялёва.
Адзіны дзень галасавання - гэта тэма стала галоўнай для гутаркі. Старшыня райвыканкама нагадаў аб навінах цяперашняй электаральнай кампаніі, а таксама звярнуў увагу на тое, што ўжо сёння стартавала датэрміновае галасаванне.
Многія са старшакурснікаў каледжа сёлета ўпершыню будуць удзельнічаць у такім важным палітычным працэсе, як выбары. Таму, важна праявіць сваю грамадзянскую пазіцыю і аддаць свой голас за кандыдатаў.
Таксама падчас сустрэч прадстаўнікі ўлады даведаліся ў хлопцаў, у якія сферы дзейнасці яны хутка пойдуць працаваць, якімі відамі спорту і хобі яны захапляюцца.