Сёння адбылася першая арганізацыйная сесія Лепельскага раённага Савета дэпутатаў дваццаць дзявятага склікання

На ёй вырашаны арганізацыйныя пытанні работы новага складу дэпутацкага корпуса раёна.

Адным з найважнейшых пунктаў парадку дня было абранне старшыні Лепельскага раённага Савета дэпутатаў.

Таемным галасаваннем аднагалосна быў ізноў абраны старшынёй раённага Савета дэпутатаў Ігар Урбан.

Намеснікам старшыні раённага Савета дэпутатаў адкрытым галасаваннем абраны Юрый Мілы.

Падчас сесіі таксама ўтвораны 5 пастаянных камісій, вызначаны іх склад і кіраўнікі.

На сесіі дэпутаты таксама сфарміравалі прэзідыум раённага Савета дэпутатаў.