У Беларусі стварылі ўнікальную сістэму процідзеяння кібермахлярам
З 1 сакавіка ў краіне пачне працаваць маштабная сістэма, якая дазволіць даць адпор аферыстам і захаваць грошы беларусаў на іх рахунках.
Яе стварэнне стала магчыма дзякуючы Указу Кіраўніка дзяржавы «Аб мерах па процідзеянні несанкцыянаваным плацежным аперацыям». Кібермахлярства ператварылася ў глабальную праблему. Спагадлівасць і дабрыня людзей, нізкі ўзровень злачыннасці ў краіне, давер насельніцтва да прадстаўнікоў улады - парадокс, але ўсе гэтыя станоўчыя характарыстыкі беларускай рэальнасці часам гуляюць на руку ашуканцам. На абарону грамадзян усталі банкаўская супольнасць, МУС і Следчы камітэт, якія будуць працаваць у гэтай сферы як адзіны арганізм.
Абарона звонку
Летась зарэгістравана больш за 18 тысяч злачынстваў, якія здзейснілі з дапамогай кампутара ці смартфона. А гэта, між іншым, на 23 працэнты больш, чым у 2022-м. Намеснік начальніка галоўнага ўпраўлення па супрацьдзеянні кіберзлачыннасці МУС Аляксандр Рынгевіч падзяліўся цікавымі дадзенымі:
— Выпадкаў, калі людзі расплачваюцца чужой банкаўскай карткай, стала менш. Шмат каго прыцягнулі да адказнасці за незаконнае абарачэнне сродкаў плацяжу — гэта калі за ўзнагароду робяць банкаўскую картку для кагосьці іншага. А вось махлярстваў у буйным памеры зарэгістравана амаль у чатыры разы больш: летась іх было 1856, а ў 2022-м - 467.
Больш падрабязна ў СБ.
https://www.sb.by/articles/dengi-v-yaytse-yaytso-v-utke-utka-v-zaytse.html?amp=1