У калектывах Лепеля праходзяць сустрэчы ў рамках адзінага дня інфармавання
Сёння са спецыялістамі Лепельскага міжраённага аддзела
Дзяржаўнага камітэта судовых экспертыз Рэспублікі Беларусь і Лепельскага ўчастка электрычнай сувязі Глыбоцкага ЗУЭС РУП «Белтэлекам»
сустрэліся прадстаўнікі інфармацыйна-прапагандысцкай групы райвыканкама.
Сустрэча была прысвечана тэме «Палітычная бяспека як аснова
грамадска-палітычнай стабільнасці суверэннай дзяржавы. Выбарчая кампанія
2024 года ў новых прававых умовах».
Аб асноўных этапах выбарчай кампаніі расказаў у сваім выступленні Васіль
Палонскi, кіраўнік спраў райвыканкама.
Васіль Іванавіч адзначыў, што ў адпаведнасці з патрабаваннямі Канстытуцыі
Рэспублікі Беларусь прадугледжваецца правядзенне выбараў у Палату
прадстаўнікоў Нацыянальнага сходу восьмага склікання і мясцовыя Саветы
дэпутатаў дзевятага склікання ў адзіны дзень галасавання - 25 лютага 2024 года.
Тэму генацыду беларускага народа ў гады Вялікай Айчыннай вайны асвяціла ў
сваім выступе Аляксандра Дзяйнека, памочнік пракурора Лепельскага раёна.
Нягледзячы на тое, што трагічныя падзеі Вялікай Айчыннай вайны адыходзяць ад
нас усё далей, тэма генацыду не губляе сваёй актуальнасці, асабліва ў цяперашняе
няпросты час. Для таго, каб больш не паўтарылася вайна, мы заўсёды павінны
памятаць аб тым, што прыйшлося перажыць нашым дзядам і прадзедам, якія абаранілі
гонар і незалежнасць роднай краіны.