У Лепелі завяршыўся сумесны праект Белінвестбанка і Міністэрства аховы здароўя «Здароўе ў кожны рэгіён»
Шэсць дыягнастычных комплексаў, набытых пры садзейнічанні Белінвестбанка, ужо аказваюць дапамогу пацыентам у Цэнтральных раённых бальніцах усіх абласцей.
Завяршыўся сумесны праект Белінвестбанка і Міністэрства
аховы здароўя «Здароўе ў кожны рэгіён». Апошнім горадам, у цэнтральную
раённую бальніцу якога быў закуплены сучасны дыягнастычны комплекс
Sonoscape HD-500, стаў Лепель. Каля 120 даследаванняў стрававода, страўніка і дванаццаціперснай кішкі будзе
праводзіцца на такім апараце за месяц. Два спецыялісты аказваюць планавую і
экстраную дапамогу. Для насельніцтва раёна, а гэта больш за 30 тысяч чалавек, апарат
дасць магчымасць хутка атрымаць неабходную медыцынскую дапамогу на месцы, у
сваім раёне.
– Магчымасці ў апарата шырокія – даследаванне верхніх аддзелаў
стрававальнага тракта, дыягностыка захворванняў, у тым ліку анкалагічных,
спыненне крывацёкаў, выдаленне іншародных цел. Акрамя эндаскапічнага
кабінета, дзякуючы манеўранасці мы выкарыстоўваем дадзенае абсталяванне і ў
рэанімацыйным аддзяленні - праводзім медыцынскія маніпуляцыі, а таксама ўдакладняем
дыягназ пацыента, - распавёў галоўны ўрач УАЗ «Лепельская цэнтральная раённая
бальніца» Аляксей Пракоф'еў. – Не сакрэт, што падобныя даследаванні неабходныя,
але малапрыемныя. Да іх трэба рыхтавацца і маральна настройвацца. Менавіта ад
гэтага часта залежыць скорасць правядзення працэдуры. Дык вось, новае абсталяванне
заўсёды яшчэ і пазітыўна ўплывае на пацыента. Да сучасных апаратаў больш
даверу, а, адпаведна, паляпшаецца і псіхалагічны стан чалавека. Для ўрачоў новы апарат апынуўся не меней карысным. Ён просты ў выкарыстанні,
зручны, валодае выдатным разрашэннем экрана, дазваляе ажыццяўляць запіс
праводзімай працэдуры. Пры неабходнасці атрымання дадатковых кансультацый і
заключэнняў спецыялістаў дастаткова проста выслаць ім файл.
З упэўненасцю можна сказаць, што мэта праекта «Здароўе ў кожны рэгіён»
дасягнута - палепшана матэрыяльна-тэхнічная база ўстаноў аховы здароўя ў
малых гарадах краіны, павышана якасць паслуг, якія аказваюцца насельніцтву. Усяго ў
рамках праекта найноўшыя відэаэндаскапічныя сістэмы агульным коштам 840 тысяч
беларускіх рублёў атрымалі бальніцы ў кожнай вобласці краіны.
– Гэты праект мы пачалі рэалізоўваць у 2023 годзе, а завяршаем сімвалічна ў Год
якасці. Новае эндаскапічнае абсталяванне з'явілася ў шасці гарадах з
колькасцю насельніцтва да 50 тысяч чалавек - у Мядзелі, Іванава, Лельчыцах,
Навагрудку, Шклове і Лепелi. Мы наведалі кожную бальнiцу, пагутарылі з урачамі
і яшчэ раз пераканаліся, наколькі важная дапамога бізнесу ў падтрымцы сацыяльнай.
сферы Новае сучаснае абсталяванне дазваляе насельніцтву ў рэгіёнах атрымліваць
своечасовую медыцынскую дапамогу, а ўрачам спрашчае працу, - адзначыў
намеснік Старшыні Праўлення ААТ «Белінвестбанк» Раман Тамковіч. - Хачу
адзначыць, што праект стаў знакавым і для самога банка. Мы атрымалі вялізны
станоўчы водгук ад супрацоўнікаў і акцыянераў. Галоўнае пытанне, якое
задаюць усё, - ці будзе працяг. Упэўнены, што праект «Здароўе ў кожны
рэгіён - 2024» таксама прынясе нямала карысці. Ужо зараз мы пачалі перамовы з
Міністэрствам аховы здароўя аб рэалізацыі наступнай яго часткі.
Нагадаем, Пагадненне аб рэалізацыі праекта «Здароўе ў кожны рэгіён» было
падпісана ў ліпені 2023 года паміж Міністэрствам аховы здароўя і
Белінвестбанкам. Садзейнічанне арганізацыям аховы здароўя - адзiн з ключавых
напрамкаў карпаратыўнай сацыяльнай адказнасці фінансава-крэдытнай
арганізацыі, а таксама важны складнік ESG-парадку банка. У рамках дадзенай дзейнасці
у 2021-2022 гадах банкам закуплены і бязвыплатна перададзены 10 апаратаў
штучнай вентыляцыі лёгкіх, шэсць з якіх - у рамках праекта «Дыхай».
Уклад у развіццё грамадства, падтрымка сацыяльных ініцыятыў - той прынцып,
які Белінвестбанк няўхільна выконвае.
***
Лепельская цэнтральная раённая бальніца – шматпрофільная
лячэбна-прафілактычная ўстанова, якая трымае перадавыя пазіцыі,
абслугоўвае жыхароў не толькі нашага раёна, але і суседніх. Тут ёсць
высокатэхналагічнае абсталяванне, а хірургі выконваюць аперацыі, якія пад сілу
медыкам абласных медцэнтраў.
У мінулым годзе тут пасля рамонту адкрылася прыёмнае аддзяленне, дзе
устаноўлена супердакладнае новае дыягнастычнае абсталяванне. Гэта камп'ютарны
тамограф з высокаразрашаючай здольнасцю, апараты УГД, ФГДС, аперацыйны
стол з шырокім функцыяналам… У працэдурным кабінеце аператыўна атрымліваюць
вынікі аналізаў. Штодня ў прыёмным пакоі ў сярэднім па 30 пацыентаў. Гэта падарунак не толькі для калектыву цэнтральнай раённай бальніцы, але і для
усіх жыхароў Лепельшчыны. Бо сродкі, укладзеныя ў сістэму аховы здароўя,
накіраваны на ўмацаванне здароўя насельніцтва, якое з'яўляецца найважнейшым
умовай развіцця грамадства, фактарам дабрабыту, поспеху і ўстойлівага
развіцця краіны.
Наталля Храпавіцкая. Газета «Лепельскі край»