Пытанне: На якіх умовах можна набыць, размешчаны на сайце райвыканкама для продажу, аб'ект нерухомасці (будынак школы, размешчаны па адрасе Лепельскі раён, в. Пышна)?
Адказ
Дадзены аб'ект нерухомасці (будынак школы - двухпавярховы, цагляны, агульнай плошчай 1797 квадратных метраў, 1975 года пабудовы), можна набыць на наступных умовах.
1. На аўкцыёне з устанаўленнем пачатковай цаны продажу, роўнай адной базавай велічыні з абавязковымі ўмовамі:
- тэрмін пачатку і перыяд ажыццяўлення пакупніком прадпрымальніцкай дзейнасці з выкарыстаннем набытай нерухомай маёмасці і (або) пабудаванай пасля яе зносу;
- тэрмін рэканструкцыі пад жылыя памяшканні, або пераводу ў жылое памяшканне без рэканструкцыі, або выкарыстання набытай нерухомай маёмасці для вядзення асабістай падсобнай гаспадаркі;
- парадак і тэрмін зносу набытай нерухомай маёмасці.
2. Перадача ў прыватную ўласнасць на бязвыплатнай аснове з распрацоўкай бізнес-плана інвестыцыйнага праекта з наступнай яго рэалізацыяй.
3. Здача ў арэнду.
4. У бязвыплатнае карыстанне пад аформленыя дагаворам абавязацельствы пад стварэнне новых працоўных месцаў.
З больш падрабязнай інфармацыяй аб парадку набыцця дадзенага аб'екта нерухомасці можна азнаёміцца ў нарматыўна-прававых актах, якія рэгламентуюць парадак распараджэння маёмасцю (Указы Прэзідэнта Рэспублікі Беларусь ад 10 мая 2019 г. № 169 «Аб распараджэнні дзяржаўнай маёмасцю» і ад 29 сакавіка 2012 г . № 150 «Аб некаторых пытаннях арэнды і бязвыплатнага карыстання маёмасцю», нарматыўна-прававая база, створаная Лепельскім раённым Саветам дэпутатаў і раённым выканаўчым камітэтам), якія размешчаны на сайце Лепельскага райвыканкама: lepel.vitebsk-region.gov.by ў раздзеле: Галоўная / Iнвестару / Індустрыяльныя пляцоўкі і аб'екты нерухомасці / Нерухомасць і прыватызацыя (аўкцыёны, арэнда) / Нарматыўныя прававыя акты.
Па пытаннях уключэння ў гаспадарчы абарот невыкарыстоўваемых аб'ектаў нерухомасці можна звярнуцца па тэлефоне +375213234990 . Кантактная асоба: галоўны спецыяліст аддзела эканомікі Дудо Таццяна Мікалаеўна