Беларусь будзе супрацоўнічаць з Манголіяй у галіне племянной жывёлагадоўлі
Міністр сельскай гаспадаркі і харчавання Беларусі Сяргей Барташ сустрэўся з міністрам харчавання, сельскай гаспадаркі і лёгкай прамысловасці Манголіі Хаянгаагійнам Баларчулуунам у рамках пасяджэння сумеснай беларуска-мангольскай камісіі па гандлёва-эканамічным супрацоўніцтве. Аб гэтым паведамілі БЕЛТА ў прэс-службе Мінсельгасхарча.
На сустрэчы з дэлегацыяй з Манголіі абмеркаваны перспектыўныя напрамкі двухбаковага супрацоўніцтва. Сярод іх пастаўкі племянной буйной рагатай жывёлы ў Манголію, абсталявання для аснашчэння малочных і жывёлагадоўчых ферм, насення бульбы і іншых сельскагаспадарчых культур, ветэрынарных прэпаратаў беларускай вытворчасці. Таксама ў час сустрэчы закранута пытанне навучання і перападрыхтоўкі мангольскіх спецыялістаў у беларускіх аграрных ВНУ.
Па выніках перагавораў паміж міністэрствамі адбылося падпісанне падагульняючага пратакола трэцяга пасяджэння беларуска-мангольскай рабочай групы па сельскай гаспадарцы і пагаднення аб супрацоўніцтве ў галіне племянной жывёлагадоўлі.