Больш за 127 тыс. дэпазітаў для шматдзетных адкрыта па праграме «Сямейны капітал»
Па праграме "Сямейны капітал" для шматдзетных сем'яў на 1 ліпеня адкрыта 127 894 дэпазітныя рахункі. Аб гэтым паведамілі БЕЛТА ў прэс-службе Міністэрства працы і сацыяльнай абароны.
На пачатак ліпеня адкрыта 82,6 тыс. дэпазітных рахункаў на суму $826 млн і 45,3 тыс. - на Br1,1 млрд. Датэрмінова выкарыстаць сродкі сямейнага капіталу пажадалі 72 682 заяўнікі. Большасць хацелі накіраваць іх на паляпшэнне жыллёвых умоў - 60 503 заяўнікі. На атрыманне медыцынскіх паслуг напісана 7455 заяў, атрыманне адукацыі - 4719 заяў, набыццё тавараў для інвалідаў - 5.
Усяго прынята 70 354 рашэнні аб датэрміновым распараджэнні сродкамі сямейнага капіталу, з іх у Брэсцкай вобласці - 15 019, Віцебскай - 6848, Гомельскай - 11 308, Гродзенскай - 8461, Мінскай - 12 095, Магілёўскай - 7176 і Мінску - 9447.
У Мінпрацы нагадалі, што сямейны капітал назначаецца шматдзетным сем'ям пры нараджэнні (усынаўленні, удачарэнні) трэцяга або наступнага дзіцяці. Пры гэтым памер сямейнага капіталу на дзяцей, народжаных (усыноўленых, удачароных) з 1 студзеня па 31 снежня 2023 года, складае Br29 950.