11 лютага 2021
Інфляцыя ў Беларусі ў студзені склала 1,1 працэнта
Індэкс спажывецкіх цэн на тавары і паслугі ў студзені 2021 года ў параўнанні са снежнем 2020-га склаў 101,1 працэнта, паведамілі БЕЛТА ў Нацыянальным статыстычным камітэце.
Базавы індэкс спажывецкіх цэн, які выключае змяненне цэн на асобныя тавары і паслугі, залежныя ад уплыву фактараў адміністрацыйнага і сезоннага характару, у студзені ў параўнанні са снежнем склаў 101 працэнт.
Цэны на харчовыя тавары ў студзені выраслі на 1,5 працэнта ў параўнанні са снежнем, на нехарчовыя - на 1,3 працэнта. Паслугі ў студзені ў параўнанні са снежнем падаражэлі на 0,3 працэнта.