17 жніўня 2023
Наведванне лясоў абмежавана ў 83 раёнах Беларусі
Абмежаванні на наведванне лясоў актуальныя для 83 раёнаў Беларусі. Такія даныя размешчаны на інтэрактыўнай карце забарон і абмежаванняў на наведванне лясоў на сайце Міністэрства лясной гаспадаркі, паведамляе БЕЛТА.
Абмежаванні дзейнічаюць у 83 раёнах і закранаюць усе вобласці Беларусі. Больш за ўсё рэгіёнаў абазначаны жоўтым колерам (уведзены абмежаванні) у Гомельскай вобласці - 21, далей ідуць Мінская - 19, Гродзенская - 17 і Брэсцкая - 13. У Магілёўскай вобласці абмежаванні актуальныя для пяці раёнаў, у Віцебскай - абмежаванні ўведзены ў васьмі раёнах.
Карта прыводзіць даныя па рэжыме наведвання лясоў у кожным адміністрацыйным раёне і абнаўляецца ў рэжыме рэальнага часу.