У гэтым годзе плануецца адрамантаваць 1,7 тыс. км рэспубліканскіх дарог
У гэтым годзе плануецца адрамантаваць 1,7 тыс. км рэспубліканскіх дарог. Аб гэтым на прэс-канферэнцыі расказаў намеснік начальніка галоўнага ўпраўлення аўтамабільных дарог Міністэрства транспарту і камунікацый Сяргей Лявончык, паведамляе карэспандэнт БЕЛТА.
Паводле слоў Сяргея Лявончыка, зімовы перыяд для дарожнікаў выдаўся даволі складаным, тэмпература паветра балансавала каля 0 градусаў. "Прадпрыемствы рэспубліканскай дарожнай гаспадаркі працавалі ў такіх умовах на працягу ўсёй зімы. Было выкарыстана каля 330 тыс. т песка-салянай сумесі, а таксама каля 250 тыс. т чыстай солі. Мы пастаянна сочым за спраўным станам тэхнікі, якая занята зімой, - гэта каля 1,5 тыс. адзінак", - расказаў спецыяліст.
Напярэдадні цёплага сезона ў Беларусі традыцыйна вядзецца падрыхтоўка дарог да вясенне-летняй эксплуатацыі.
Што датычыцца планаў на гэты год, то, як і ў мінулым, назіраецца істотны рост фінансавання і аб'ёмаў запланаваных работ. "Разлічваем, што гэта дасць магчымасць нам адрамантаваць і рэканструяваць каля 1,7 тыс. км", - адзначыў Сяргей Лявончык.