Галоўная / Навіны / Навіны рэспублікі

Паліва беларускіх НПЗ адпавядае ўсім стандартам якасці - "Белнафтахім"

10.05.2019

Якасць аўтамабільнага паліва, што вырабляецца ў ААТ "Нафтан" і на Мазырскім НПЗ, адпавядае ўсім міжнародным і айчынным нормам, стандартам і патрабаванням, паведамілі карэспандэнту БЕЛТА ў канцэрне "Белнафтахім".

"Заводы вымушана знізілі аб'ёмы перапрацоўкі з-за адсутнасці якаснай сыравіны. Пры гэтым варта звярнуць увагу, што і сыравіна, і таварная прадукцыя праходзяць на прадпрыемстве некалькі этапаў кантролю. Якасць аўтамабільнага паліва скрупулёзна кантралююць заводскія лабараторыі", - адзначылі ў канцэрне.

На кожны від паліва ёсць свой нарматыўны дакумент, у якім зафіксаваны да 20 паказчыкаў якасці ў залежнасці ад маркі. "Нават калі па адным ідзе хоць самая малая неадпаведнасць, то паліва не выходзіць за межы завода", - растлумачылі спецыялісты. Арбітражныя пробы захоўваюцца ад 45 дзён (для ўнутранага рынку) да 4 месяцаў (для экспартнага паліва).

На "Нафтане" і Мазырскім НПЗ гарантуюць, што якасць нафтапрадуктаў, якія адпраўляюцца спажыўцам, выключна высокая і адпавядае стандарту Еўра-5.

У "Белнафтахіме" падкрэслілі, што ў сітуацыі з пастаўкамі няякаснай нафты былі прыняты ўсе меры для забеспячэння вытворчасці прадукцыі высокай якасці.

Як паведамлялася, "Белнафтахім" 19 красавіка заявіў аб рэзкім пагаршэнні якасці расійскай нафты Urals, якая паступае транзітам ва ўчастак магістральнага нафтаправода ААТ "Гомельтранснафта Дружба". Колькасць хлорарганічных злучэнняў у нафце перасягала ў дзясяткі разоў гранічныя значэнні па стандарце. Нафта, адпаведная стандарту, паступіла на граніцу Беларусі па нафтаправодзе "Дружба" 2 мая.

Новости Беларуси (БЕЛТА)