У гімназіі ім. І.М. Ярашова з навучэнцамі 11 класаў сустрэўся Ігар Урбан, старшыня раённага Савета дэпутатаў.
Эпіграфам да ўроку сталі словы Прэзідэнта Рэспублікі Беларусь Аляксандра Лукашэнкі: «Дзень народнага адзінства - падзяка сучаснікаў папярэднім пакаленням, якія абаранілі права самім вызначаць свой лёс. Ён усяляе гонар за краіну і дае ўсведамленне таго, што беларусы - адзіны народ. У гэтым заключаюцца асновы стабільнасці і дабрабыту сучаснай беларускай дзяржавы. Аб'яднаныя марай аб паспяховай і квітнеючай Беларусі, здабываючы ўрокі з нашай гісторыі, мы у міры і згодзе стваральнай працай будуем агульную будучыню».
Хлопцы падрыхтавалі выступленні аб гісторыі ўтварэння гэтага
Дзяржаўнага свята, успомнілі вехі гісторыі Беларусі, пагаварылі аб
перспектывах развіцця краіны.
Затым перад прысутнымі выступіў Ігар Генадзевіч.
— Дзень народнага адзінства - гэта свята, якое аб'ядноўвае ўсіх жыхароў нашай
краіны. Ад мала да вяліка, мы ўсе грамадзяне Рэспублікі Беларусь і ў нашых руках
сучаснасць і будучыня нашай Радзімы, - адзначыў кіраўнік раённага дэпутацкага
корпуса.
Таксама ўвага была акцэнтавана, што да Дня народнага адзінства кінастудыя «Беларусьфільм» выпусціла фільм «На іншым беразе», які расказвае пра жыццё ў Заходняй Беларусі ў 20-я гады XX стагоддзя.
Падчас гутаркі рабятам было прапанавана паразважаць над такімі пытаннямі:
– У чым заключаецца адзінства ў сям'і, у краіне?
– У чым выяўляецца адзінства?
– Для чаго нам неабходна адзінства?
– Што называецца «народным адзінствам»?
— Шлях нашай краіны да суверэнітэту і незалежнасці быў доўгім і ўпартым. Нашым продкам прыйшлося вытрымаць нямала выпрабаванняў, абараніць са зброяй у руках права на існаванне беларускага народа. Мы, сучасныя пакаленні, павінны не толькі шанаваць і памятаць подзвіг беларускага народа, але і памнажаць дасягнутае на карысць будучых пакаленняў. Дзяржава ўдзяляе вялікую ўвагу развіццю адукацыі і медыцыны, якія з'яўляюцца асноўнай дзяржавы і краевугольным каменем дзяржаўнай палітыкі. Беларусь у многіх сусветных рэйтынгах займае высокія пазіцыі па ўзроўню і якасці жыцця, аказваемай медыцынскай дапамогі і ўзроўню адукацыі насельніцтва, — рэзюмаваў Ігар Генадзевіч.
Наталля Храпавіцкая, газета «Лепельскі край»