Сустрэча з юрыстам сёння прайшла і ў Лепелі. На кансультацыю да Святланы Кузьміной, галоўнаму прававому інспектару Віцебскай абласной арганізацыі Беларускага прафсаюза работнікаў аграпрамысловага комплексу, прыбылі супрацоўнікі прадпрыемстваў, арганізацый і ўстаноў Лепельшчыны. Райвыканкам, Лепельская цэнтральная раённая бальніца, сельскагаспадарчыя арганізацыі, філіял «Лепельскі МКК», цэнтр па забеспячэнні дзейнасці бюджэтных арганізацый - прадстаўнікі гэтых і іншых калектываў атрымалі тлумачэнні па хвалюючых пытаннях.
Незаконнае звальненне, датэрміновае скасаванне тэрміновай працоўнай дамовы, няправільнае налічэнне заработнай платы і дадатковых выплат, не адпавядаючы правілам канчатковы разлік пры звальненні, аказанне матэрыяльнай дапамогі на аздараўленне і адпачынак у прафсаюзных санаторыях, працоўныя і сацыяльныя водпускі, незаконна ўтрыманыя сродкі, аплата камандзіровачных расходаў, работа па сумяшчальніцтву, дадатковыя выхадныя дні для шматдзетных бацькоў - спіс закранутых сёння тэм шырокі.
Таксама у рамках прыёму для лепельчан прайшоў семінар-вучоба па навінах заканадаўства ў сферы сацыяльна-працоўных адносін.