У цяперашні час 8 рабят з аграрна-тэхнічнага каледжа працуюць на базе ДКУСП «Лепельская ПМК-75». Яно і зразумела, бо для большасці рабят працоўны семестр - гэта не толькі шанец зарабіць, але і выдатная магчымасць убачыць прафесію знутры, знайсці сяброў і набрацца цікавых уражанняў. Тым больш за тое, што будаўнічы студэнцкі атрад складаецца з будучых будаўнікоў. Вельмі важна для будучых спецыялістаў, як кажуць майстры, «памацаць» усё сваімі рукамі. Бо зусім хутка нехта з іх прыйдзе на гэта прадпрыемства і будзе паказваць высокія вынікі ў прафесійнай дзейнасці.

У першы працоўны дзень цёпла прывітаў маладзёжнае папаўненне дырэктар ПМК-75 Анатоль Ламека і пажадаў рабятам мэтанакіраванасці і поспехаў у рабоце. Пасля размовы з кіраўніцтвам і інструктажу па тэхніцы бяспекі хлопцы акунуліся ў будаўнічае жыццё і адчулі працоўны рытм.

Падлеткі працуюць на аб'екце «Фізкультурна-аздараўленчы цэнтр з басейнам у Лепелі», дзе выконваюць уладкаванне дрэнажу, уладкаванне бетонных падлог у склепе, падрыхтоўваюць раствора-бетонныя сумесі на РБУ. Акрамя гэтага, хлопцы наводзілі парадак на ўласнай базе ПМК-75. Таксама вялікую дапамогу аказалі работнікам прадпрыемствы, у якіх зараз «гарачая» пара, у навядзенні парадку на замацаванай тэрыторыі - падмяталі вуліцу Партызанскую, фарбавалі бардзюры.

Падчас суботніка на сваім вопыце юнакі і дзяўчаты зразумелі, што лепш дайсці да скрыні і выкінуць паперку ці бутэльку. Тым самым палепшыць наш горад і дапамагчы людзям, якія гэта робяць штодня.

Будаўнікі напарнікаў-навічкоў хваляць, адзначаючы, што ўсе старанныя і дысцыплінаваныя, разумеюць пастаўленыя ім задачы.

На пытанне аб настроі, усе студатрадаўцы дружна адказалі, што добрае, баявое, тым больш на вуліцы такое цудоўнае надвор'е. Таксама падабаецца ім працаваць плячо да пляча з вопытнымі спецыялістамі ў будаўнічай сферы. На тварах юных лепельчан убачыла толькі ўсмешкі і жаданне працаваць, каб зарабіць свае першыя грошы. Адчувалася, што на будаўнічай пляцоўцы пануе сяброўская атмасфера.

-- Гісторыя студатрадаўскага руху Беларусі вядзецца з 1963 года. За гэты перыяд маладзёжныя атрады заваявалі папулярнасць і працягваюць уносіць свой уклад у эканоміку і сацыяльную сферу краіны. Сёння арганізацыя другаснай занятасці студэнтаў з'яўляецца адным з напрамкаў дзейнасці першаснай арганізацыі грамадскага аб'яднання «Беларускі рэспубліканскі саюз моладзі», -- адзначыла першы сакратар РК ГА «БРСМ» Вікторыя Пшонка. -- Таксама хочацца падзякаваць кіраўнікам прадпрыемстваў, якія бяруць на «працу"» яшчэ не вопытных рабят са студатрадаў, але ўжо глядзяць у будучыню. Але ж менавіта пры такой практыцы маладыя спецыялісты пазней прыйдуць у калектывы Лепельшчыны ўжо разумеючымi спецыфіку працы.