Старшыня Каменскага сельскага Савета дэпутатаў Лепельскага раёна Віцебскай вобласці задаў пытанне Наталлі Качанавай.

- Мы знаходзімся ў глыбінцы - 170 км ад Мінска, 110 - ад Віцебска. За час дзеяння Указа Прэзідэнта па продажы зямельных участкаў прададзена 85 участкаў, знесена 162 старых дома. У мінулым годзе ўвялі ў эксплуатацыю 1260 квадратных метраў жылой плошчы (каля 13 дамоў). З 2001 года пры сельвыканкаме працуе механізаваная брыгада, а з 2005 года - камунальнае ўнітарнае прадпрыемства. Працуе 7 чалавек. Працуе прыбыткова, і я лічу, што адмаўляцца ад гэтага не трэба. Маем у наяўнасці ўсю тэхніку для апрацоўкі зямельных участкаў, якую ўзялі ў лізінг і выплацілі ўсе сродкі. Можам своечасова аказваць дапамогу звярнуўшамуся грамадзяніну  па прымальных расцэнках. У зімовы час КУП аказвае дапамогу па расчыстцы вуліц ад снега. Каля 12 населеных пунктаў мы расчышчаем сіламі КУП. Акрамя таго, мы закупляем малако ў двух населеных пунктах.

Пытанне: У Віцебскай вобласці дробнаконтурныя палі, зарослыя часцяком драўняна-хмызняковай расліннасцю, - алешына, лаза. Раней гэта расліннасць высякалася для падпалкі печаў, сёння насельніцтва часцей карыстаецца электрычнасцю, многія перайшлі на газавае ацяпленне. Алешыну высякаць забаронена.

Просьба прадугледзець магчымасць вызваляць палі севазвароту ад алешыны і выкарыстоўваць яе для пячнога ацяплення.

Наталля Качанава: «Да нас ужо звярталіся людзі па падобным пытанні. Мы вырашалі яго сумесна з Міністэрствам прыроды і Міністэрствам лясной гаспадаркі. Абмяркуем яшчэ раз».