Асноўнай
тэмай Адзінага дня інфармавання стала «Сацыяльная бяспека: асноўныя
прынцыпы і прыярытэты».
Міхаіл Леанідавіч падкрэсліў, што сацыяльная бяспека з'яўляецца ключавым
прынцыпам сацыяльнай палітыкі дзяржавы. Ён таксама згадаў, што Прэзiдэнт
Рэспублікі Беларусь Аляксандр Лукашэнка раней абазначыў асноўныя прынцыпы
сацыяльнай палітыкі, у тым ліку прынцыпы справядлівасці, адказнасці і клопату.
Падзяліўся і меркаваннем аб глабальных выкліках XXI стагоддзя, такіх як дэмаграфічны
дысбаланс, старэнне насельніцтва і экалагічныя праблемы.
Не пакінуў без увагі бясспрэчны прыярытэт сацыяльнай палітыкі дзяржавы –
клопат аб ветэранах Вялікай Айчыннай вайны і інвалідах, расказаў, як
працуе сістэма сацыяльнага абслугоўвання, назваў асноўныя прынцыпы сямейнай
палітыкі.
Закранаючы тэму інтэлектуальнага і духоўнага развіцця, было адзначана, што ў
раёне функцыянуюць 31 установа адукацыі (1 гімназія, 6 сярэдніх школ, 4
базавыя школы, 2 пачатковыя школы, 15 дзіцячых садоў, цэнтр дзяцей і моладзі,
цэнтр карэкцыйна-развіваючага навучання і рэабілітацыі,
сацыяльна-педагагічны цэнтр). Навучаюцца і выхоўваюцца звыш 4,4 тысячы
чалавек.
Другая частка сустрэчы прайшла ў фармаце адкрытага дыялогу, і першае пытанне з
залы прагучала так: Калі плануецца ўвядзенне ў эксплуатацыю басейна? Кіраўнік раёна распавёў аб будаўнічых работах, якія зараз вядуцца на
аб'екце, што ўжо зроблена і якія ўмовы будуць прадугледжаны для наведвання
фізкультурна-аздараўленчага цэнтра з басейнам асобамі з абмежаванымі
магчымасцямі. Увядзенне плануецца ў лютым 2024 года. А ці праўда, што ў перыяд прастудных захворванняў чалавеку могуць адкрыць
бальнічны ліст без тэмпературы?
Намеснік галоўнага ўрача па медыцынскай частцы Кацярына Шабунько расказала,
што рашэнне аб выдачы лістка недзеяздольнасці кожны ўрач прымае зыходзячы з
індывідуальнай клінічнай карціны пацыента. Пацікавіліся члены калектыву і тым, дзе з'явяцца шматкватэрныя жылыя.
дома ў бліжэйшыя гады. Плануецца будаўніцтва 40-кватэрнага жылога дома па вуліцы Школьнай і
завулку Ялугіна, 60-кватэрнага - на месцы знесеных баракаў на скрыжаванні
М. Горкага і Савецкай, а таксама ўзвядзенне шматкватэрнага дома ў Бароўцы.
Акрамя гэтага, вядуцца работы па будаўніцтве дзіцячага сада ў новым мікрараёне. Такім чынам, удзельнікі сустрэчы не толькі сталі больш дасведчанымі па шэрагу
актуальных тэм, але і змаглі атрымаць адказы на хвалюючыя іх пытанні.