28 снежня ў рамках дабрачыннай акцыі «Нашы дзеці» аддзел загса сумесна з натарыяльнай канторай наведалі сям'ю Шчарбаковых, дзе чакаюць навагодніх цудаў тры цудоўныя дзяўчынкі. Старэйшая сястра Насця вучыцца ў 6 класе, займаецца валейболам і вязаннем. Сярэдняя сястрычка Аня - першакласніца, якой вельмі падабаецца вучыцца і спазнаваць усё новае. Ну а малой Ніке 31 снежня спаўняецца 4 гады, яна ходзіць у дзіцячы садок, слухаецца бабулю і з захапленнем лепіць з пластыліну.