Асноўнай прычынай крадзяжоў у сферы АПК з'яўляецца вельмі нізкая арганізацыя аховы дадзеных аб'ектаў. У шэрагу сельскагаспадарчых арганізацый ахова аб'ектаў не ажыццяўляецца. Адсутнічае належны кантроль кіраўніцтва за працай вартаўнікоў і падборам кандыдатаў на матэрыяльна - адказныя пасады.
Востра стаіць пытанне аб абсталяванні памяшканняў сельскагаспадарчых арганізацый запорнымі прыладамі, а таксама забеспячэнне аб'ектаў і прылеглай тэрыторыі дастатковым асвятленнем, што павінна выключыць свабодны доступ злачынцаў да аб'ектаў замаху.
Факты крадзяжоў ТМК цягнуць як крымінальную, так і адміністрацыйную адказнасць, у залежнасці ад сумы прычыненай шкоды. За дзеянні, якія крымінальна караюцца, прадугледжана адказнасць у выглядзе грамадскіх работ, штрафу, папраўчых работ на тэрмін да двух гадоў, або арышту, або абмежавання волі на тэрмін да трох гадоў, або пазбаўлення волі на той жа тэрмін.
У перыяд правядзення пасяўной і пачаткам уборачнай, нарыхтоўчай кампаній 2023 года на тэрыторыі Лепельскага раёна выяўлена 10 фактаў крадзяжу тавараматэрыяльных каштоўнасцяў з аб'ектаў АПК. Вінаватыя прыцягнуты да адміністрацыйнай адказнасці па арт. 11.1 КоАП Рэспублікі Беларусь (Дробны крадзеж).
Немалаважным пытаннем з'яўляецца крадзеж гаруча-змазачных матэрыялаў. Варта адзначыць, што артыкулам 13.23 КоАП Рэспублікі Беларусь (Незаконны абарот нафтавага вадкага паліва ў Рэспубліцы Беларусь), а менавіта частка 3 артыкула 13.23 КоАП Рэспублікі Беларусь прадугледжвае адміністрацыйную адказнасць за набыццё, захоўванне, выкарыстанне або рэалізацыю фізічным асобам афарбаванага нафтавага паліва, якое пастаўляецца ў арганізацыі, якія выконваюць работы, звязаныя з вытворчасцю сельскагаспадарчай прадукцыі, у выглядзе накладання штрафу ў памеры ад 10 да 50 базавых велічынь.
З мэтай папярэджання крадзяжоў маёмасці ў сельскагаспадарчых арганізацыях, прафілактыкі правапарушэнняў і злачынстваў, па ўмацаванні працоўнай і транспартнай дысцыпліны, па прафілактыцы п'янства і алкагалізму, супрацоўнікамі АУС праводзяцца праверкі вартаўнічай аховы, ажыццяўляецца маніторынг аб'ектаў АПК у вячэрні і начны час сумесна з суб'ектамі прафілактыкі.
Супрацоўнікамі міліцыі таксама праводзяцца і паўторныя праверкі гаспадарак. У шэрагу выпадкаў, усталёўваецца, што якія-небудзь мерапрыемствы па ўхіленні недахопаў не праводзіліся. У сувязі з чым, за непрыняцце мер па ўстараненню недахопаў адносна службовых асоб сельгаспрадпрыемстваў прымяняецца такая мера пакарання, як прыцягненне да адміністрацыйнай адказнасці па арт.25.3 КоАП Рэспублікі Беларусь, за што прадугледжана адміністрацыйная адказнасць у памеры да 10 базавых велічынь.
Мы спрабуем дастукацца да кіраўнікоў гаспадарак, адкрыць ім вочы, пераканаць у тым, што недахопы тэхнічнай умацаванасці і парушэнні працоўнай дысцыпліны, прыводзяць да крадзяжоў з прычыненнем значнай матэрыяльнай шкоды.
Паважаныя кіраўнікі гаспадарак, неабходна прыняць неадкладныя меры і ўсімі магчымымі спосабамі забяспечыць захаванасць маёмасці.
Аддзел аховы правапарадку і прафілактыкі АУС Лепельскага райвыканкама