З мэтай прыцягнення ўвагі шырокіх пластоў насельніцтва да праблем хатняга гвалту і сямейнага няшчасця, растлумачэння грамадзянам неабходнасці садзейнічання дзяржаўным органам у мінімізацыі наступстваў правапарушэнняў, якія ўчыняюцца на гэтай глебе, растлумачэння палажэнняў Закона Рэспублікі Беларусь ад 4 студзеня 2014 года №122-З у рэдакцыі закону ад 04 студзеня 2022 года №151-З "Аб асновах дзейнасці па прафілактыцы правапарушэнняў" з 8 па 17 красавіка 2024 года на тэрыторыі Лепельскага раёна будзе праводзіцца асноўны этап рэспубліканскай прафілактычнай акцыі "Дом без гвалту!".
У рамках дадзенага мерапрыемства супрацоўнікі органаў унутраных спраў Лепельскага райвыканкама і спецыялісты ўпраўлення па працы, занятасці і сацыяльнай абароне, аддзела па адукацыі, УАЗ "Лепельская ЦРБ", а таксама розных арганізацый і грамадскіх аб'яднанняў паінфармуюць грамадзян аб прававых нормах, якія дзейнічаюць у гэтай сферы, дапамозе, якая аказваецца ахвярам гвалту, рабоце тэлефонаў даверу.
З 12 ліпеня 2022 года ўступілі ў сілу змяненні і дапаўненні ў Закон Рэспублікі Беларусь "Аб асновах дзейнасці па прафілактыцы правапарушэнняў". Асноўнай зменай, дазваляючай своечасова прымаць меры прафілактычнага характару да сямейных скандалістаў, з'яўляецца пастаноўка агрэсара на ўлік пасля першага прыцягнення да адміністрацыйнай адказнасці, за здзяйсненне правапарушэння ў сферы сямейна-бытавых адносін. Так на сённяшні дзень на ўліку ў Лепельскім РАУС складаецца 146 асоб, якія прыцягваліся да адміністрацыйнай адказнасці за правапарушэнне ў сферы сямейна-бытавых адносін.
Гэтак жа варта адзначыць, што зменены парадак ужыванні ахоўнага прадпісання, зараз ужываць дадзеную прафілактычную меру можна на стадыі падрыхтоўкі да разгляду справы аб адміністрацыйным правапарушэнні, а таксама правядзенні праверкі ў адпаведнасці з патрабаваннем крымінальна-працэсуальнага заканадаўства альбо ўзбуджанай крымінальнай справы, г. зн. непасрэдна пасля здзяйснення правапарушэння. У 2023 годзе прыменена 209 ахоўных прадпісанняў, з якіх у 20 выпадках выяўлены факты парушэнняў патрабаванняў ахоўнага прадпісання, за што грамадзяне прыцягнуты да адміністрацыйнай адказнасці па ч. 2 арт. 10.1 КоАП Рэспублікі Беларусь. У бягучым годзе прыменена 62 ахоўныя прадпісанні, у 3 выпадках выяўлены факты парушэнняў, за што грамадзяне, якія іх парушылі таксама прыцягнуты да адміністрацыйнай адказнасці.
У завяршэнне хацелася б сказаць, паважаныя грамадзяне, калі Вы сталі ахвярай ці сведкам хатняга гвалту, не чакайце трагедыі, звяртайцеся у міліцыю 3-20-83, або 102. Таксама Вы можаце атрымаць дапамогу па тэлефоне даверу для пацярпелых ад хатняга гвалту аддзялення комплекснай падтрымкі грамадзян у крызіснай сітуацыі Дзяржаўнай установы "Тэрытарыяльны цэнтр сацыяльнага абслугоўвання Лепельскага раёна" 3-49-20 штодня ў працоўныя дні з 08.00 да 17.00 гадзін.
Намеснік начальніка аддзела аховы правапарадку і прафілактыкі
Лепельскага РАУС Аўтух А.В.