Сёння Лепельшчына сустрэла ўдзельнікаў абласнога семінара-нарады па пытанні арганізацыі работы па падкорме пасеваў кукурузы культыватарам-раслінасілкавальнікам і магчымасці яго вытворчасці ў максімальна сціслыя тэрміны.

Удзел у семінары прынялі каля 50 чалавек - гэта прадстаўнікі камітэта па сельскай гаспадарцы і харчаванні аблвыканкама, спецыялісты розных раёнаў, якія курыруюць пытанні механізацыі і раслінаводства, прадстаўнікі ААТ "Віцебскі аблаграсервіс", а таксама ААТ "Ціраспальскі агратэхсэрвіс".

Рэгістрацыя ўдзельнікаў сустрэчы прайшла ў холе раённага выканаўчага камітэта. Тут жа спецыялісты маглі пачаставацца марожаным ад філіяла "Лепельскі МКК".

Далей удзельнікі семінара пераехалі ва ўрочышча "Далікі" унітарнага прадпрыемства "Пражэктар-Агра", дзе прайшло азнаямленне з працэсам падкорму кукурузы з міжраднай апрацоўкай. Увага спецыялістаў была сканцэнтравана на спецыяльным агрэгаце, якое УП "Пражэктар-Агра" распрацавала самастойна яшчэ некалькі гадоў таму.

Такая прылада не патрабуе вялікіх фінансавых укладанняў і вырабляецца ў кароткія тэрміны.

Спецыфіка яго працы - адначасовая апрацоўка міжраддзя, а таксама занясенне вадкіх угнаенняў.

Такі вопыт лепельскіх аграрыяў павінны пераняць спецыялісты і іншых раёнаў.