Так, навучэнцам са Старалядзенскай базавай школы інспектар сектара прапаганды і ўзаемадзеяння з грамадскасцю Лепельскага раённага аддзела па НС Таццяна Федаровіч расказала аб дзейнасці раённага аддзялення Беларускай маладзёжнай грамадскай арганізацыі ратавальнікаў-пажарных, яго структуры, мэтах і задачах, а таксама азнаёміла рабят з усімі мерапрыемствамі, конкурсамі і злётамі праходзячымi пад гэтай эгідай.
Работнік МНС нагадала навучэнцам і асноўныя правілы пажарнай бяспекі, дзеянні пры ўзнікненні пажару. Асобна закранулі пытанне ўстаноўкі і выкарыстання навучэнцамі мабільнага дадатку «МНС Беларусі: Дапамога побач».
Далей хлопцы прынялі актыўны ўдзел у пазнавальнай гульні-віктарыне, падчас якой за правільныя адказы атрымалі карысныя прызы, маляўнічую наглядна-выяўленчую прадукцыю супрацьпажарнай накіраванасці.
Тым часам, хлопцы з гімназіі змаглі прымерыць на сябе ролю ратавальніка, наведаўшы пажарную аварыйна-выратавальную частку №1 горада Лепеля. Тут хлопцам давялося бліжэй даведацца пра ратавальнае ведамства, пазнаёміцца з аварыйна-выратавальнай тэхнікай і абсталяваннем. Незабыўнай часткай экскурсіі стала тое, што юныя гімназісты змаглі на практыцы адпрацаваць розныя НС, з якімі ратавальнікі сутыкаюцца штодня.
У завяршэнне мерапрыемствы рабятам былі ўручаны членскія білеты – адбылося пасвячэнне юных ратавальнікаў у рады грамадскай арганізацыі.