Лепельская міжраённая інспекцыя аховы жывёльнага і расліннага свету нагадвае, што ў адпаведнасці з Правіламі палявання і Правіламі вядзення паляўнічай гаспадаркі сезон палявання на самцоў глушца і цецерука пачынаецца з 20 сакавіка, і працягнецца па 10 мая. Глушэц і цецярук ставяцца да нармаваных відаў паляўнічых жывёл, у сувязі з гэтым для палявання на іх трэба звярнуцца да карыстальнiка паляўнічых угоддзяў і набыць не толькі пуцёўку, але і дазвол на здабычу.
Паляваць можна толькі ў перыяд з 3 гадзін ночы да 9 гадзін раніцы. Спосаб палявання – ружэйны на току, з падыходу і з засады. Можна выкарыстоўваць наразную паляўнічую зброю, гладкаствольную паляўнічую зброю з ужываннем патронаў, падрыхтаваных дробам, паляўнічыя лукі і арбалеты (у адпаведнасці з правіламі).