"Белавія" зноў пашырыць карту палётаў і запусціць прамыя рэйсы з Віцебска ў курортны егіпецкі горад Шарм-эш-Шэйх у пачатку лютага 2024 года. Аб гэтым карэспандэнту БЕЛТА паведамілі ў прэс-службе авіякампаніі.

Першы рэйс па чартарнай праграме ў курортны горад запланаваны на 7 лютага. Барты з турыстамі будуць вылятаць у Шарм-эш-Шэйх з Віцебска 1 раз у 10 дзён. Расклад на люты і сакавік ужо зроблены.

Палёты з аналагічнай частатой будуць ажыццяўляцца з Гомеля ў Шарм-эш-Шэйх, пачынаючы з 23 студзеня 2024 года. "Таксама з Гомеля плануюцца з мая рэйсы ў Анталію. Да 2020 года былі задзейнічаны ўсе абласныя аэрапорты, цяпер авіякампанія аднаўляе прыпыненыя маршруты", - растлумачылі ў "Белавія".

БелТА