Азімы ячмень убралі на 6,47 працэнта плошчы, паведамілі БЕЛТА ў Міністэрстве сельскай гаспадаркі і харчавання.

Паводле даных на 5 ліпеня, азімага ячменю ўбрана 10,5 тыс. га (6,47 працэнта да ўборачнай плошчы), намалочана 45,2 тыс. т пры сярэдняй ураджайнасці 43 ц/га. Азімага рапсу на зерне ўбрана 0,14 тыс. га (0,04 працэнта да ўборачнай плошчы), намалочана 0,15 тыс. т пры сярэдняй ураджайнасці 10,9 ц/га. Азімай свірэпіцы на зерне ўбрана 0,81 тыс. га, або 19,1 працэнта ад плана, намалочана 0,90 тыс. т пры сярэдняй ураджайнасці 11,1 ц/га.

Травы другога ўкосу скошаны на 207,2 тыс. га - гэта 22,6 працэнта да плана. У Брэсцкай вобласці другі ўкос праведзены на 41,5 працэнта запланаванай плошчы, Віцебскай - 5,30 працэнта, Гомельскай - 25,4 працэнта, Гродзенскай - 19,7 працэнта, Мінскай - 30,1 працэнта, Магілёўскай - 5,64 працэнта.

Травы ўбраны з 161,3 тыс. га, што складае 77,8 працэнта да скошанага. Пашкоджаныя засухай пасевы збожжавых на корм убраны з 51,5 тыс. га плошчы. Нарыхтавана 252,4 тыс. т сена - 26,2 працэнта да плана, 6538,8 тыс. т сенажу - 47,8 працэнта (у тым ліку ў палімерную ўпакоўку 195,4 тыс. т), 152,9 тыс. т збожжасенажу і 182,1 тыс. т сіласу - 0,95 працэнта.

Усяго ў бягучым годзе плануецца атрымаць з траў 9,6 млн т кармавых адзінак. Да гэтага часу нарыхтавана 21,2 працэнта ад плана. Сіласу плануецца нарыхтаваць амаль 19,2 млн т, сенажу - 13,7 млн т (у тым ліку ў палімерную ўпакоўку 1 млн т), сена - 962,1 тыс. т.

БелТА